बर्षा सुरु भएसंगै पोखराका बिभिन्न स्थानमा जमिन भासिने थाले
पोखरा ९ असार ।
बर्षा सुरु भएसंगै पोखराका बिभिन्न स्थानमा पुनः भासिने क्रम सुरु भएको छ । पोखराको मितेरी पुल नजिकै जमिन भासिएपछि स्थानियबासी त्रसित भएका छन् ।
पोखरा उप–महानगरपालिका वडा नं. १५ र १७ जोड्ने मितेरी पुल नजिकै जमिन भासिएर ठूलो खाल्डो परेको छ । बस्ती नजिकै जमिन भासिएपछि उत्तर दक्षिण भएर सुरुङ्ग बनेको स्थानियले बताए ।
गतबर्षको बर्षामा पनि पोखराका विभिन्न ठाउँमा जमिन भासिएको थियो । बर्षायाममा निरन्तर पानी पर्दा जमिनमुनीको बलौटे माटो बग्ने हुँदा कमजोर भू–सतह भएको ठाउँ भासिने सम्भावना बढी भएको भूगर्व्विद्हरुले बताएका छन् ।
Posted by Unknown
on 7:43 AM. Filed under